Fares - فارس lyrics

[Ahmed Sheba: انترو]
فارس
یا فارس
نبیل عمال بینده
بینادي من زمان
ولحد امتى هینده

[المقطع الأول]
من صغر سنهم واللقاء مابینا عادة
تلاتة كل واحد فینا مختلف بزیادة
نبیل الهادي فینا والعاقل بنشوفه اكبر
لكل موقف عنده حكمة وعمره مالیها كرر
وعكسه فارس شقي طول عمره مهما كبرنا
قلبه طایر ودمه فایر أكتر منا
وأنا بحر الوسطاني بینهم فیا منهم الاتنین
بتجنن وابقى عالي وأرجع أهدى في ثانیتین
جربنا حاجات كتیر لعب وهزار وفرح
واستحملنا برده یاما حزن وخناق وجرح
وكبرنا أكتر ولقینا العیشة مش بالساهل
لو مهما زاد الحمل بصحابي أنا هبقى قادر
بس الحمل زاد یا صاحبي وجه وقت البعاد
ده كلام في عقل فارس لما بیغرق في السكات
ونبیل كلامه ثابت بكرة أحلى لو حاولنا
مش هنلوم الظروف والزمن وده حظ جیلنا
وفي ثانیة كانت تقوم خناقة بنهم بعدها
یا عم كفایة حكم مش ناقصین ولا وقتها
ویرد نبیل أصبر یا صاحبي ده الطریق طویل
بكرة القلیل على القلیل بالصبر یكون كتیر
هنستحمل لامتى مستحملنا كتیر حاولنا
مش هارضى بالقلیل وهسمح تلوم في جیلنا
كان ودي اقوم افض بینهم بس مش هینفع
طول عمري دوري وسطهم شاهد بیشوف ویسمع
[Ahmed Sheba: اللازمة]
الدنیا بحر عالى والصحاب طوق النجاه
یا خوفى على نفسه فاللى نفسه فیه مھوداه

[المقطع الثاني]
فات كتیر بعد الخناقة أول مرة من سنین
یفضى المكان علیا ومنبقاش متجمعین
وبعد أیام جه نبیل عندي یزورني
مشفتش فارس سألني بخوف أكدلي ظني
والیوم التاني كان قدامي فارس بیصارحني
ناویت أسافر وأتمنى نبیل یكون سامحني
مابقتش قادر أحاول ومات فیا الامل
الحال بیسوء زیادة يا صاحبي طب إیه العمل
رغم المجازفة بدون ورق مطمن للطریق
اخترت البحر یكون سبیلي وللسفر صدیق
لا لازم تحاول تاني حاول أكتر
یا فارس ده انتحار إزاي لنفسك تبرر
اهوالي هتعديها في مركب صيد
متقولش الموج هیشیلني ولأي كلام تعید
مش هعرف احمیك یا صاحبي مش بأیدي مش هقدر
أنا موجي عالي وإنت عندي غالي ومتقدر

[Ahmed Sheba: اللازمة]
الدنیا بحر عالى والصحاب طوق النجاه
یا خوفى على نفسه فاللى نفسه فیه مھوداه
خاف على نفسك یا صاحبى وعلى حبایبك بعدیك
ده البحر یاما غرق یاما فرق ناس كتیر قبلیك
[المقطع الثالث]
نبیل عرف الحقیقة الصدمة كانت أقوى منه
لو شوفوا شكله وقتها تدوله ضعف سنه
كنت مستنیه یجیلي أصلي عرفت أنا قبلیه
ماهو مات مابین ادیاه ولسة في حضني أنا مخبیه
لو كان فهم كلامي لو كان لصوتي سمع
لو كان عرف إن كل نقطة فیا دموع ووجع
على فارس واللي قبله واللي هیروحوا بعدیه
على أحلام غرقت وراحت جوه البحر اللي مداریه
لو بس حس عذاب غیابه اللي سایبنا فیه
أو لو بس قرا جواب نبیل اللي كاتبه لیه
أنا مش هلومك أنا و لا بلوم البحر
بس اللي باقلنا منك حزن وألم وقهر
كان نفسي تشوفي ولادي كان نفسي أشوف ولادك
كان نفسي ربي یجعل معادي قبل معادك
كان نفسي ولسة نفسي أشوفك تاني عن قریب
ونفسي ماشفش فارس تاني عن صحابه یغیب

[Ahmed Sheba: اللازمة]
الدنیا بحر عالى والصحاب طوق النجاه
یا خوفى على نفسه فاللى نفسه فیه مھوداه
خاف على نفسك یا صاحبى وعلى حبیبك بعدیك
ده البحر یاما غرق یاما فرق ناس كتیر قبلیك