EL Donia Wa2fa 3al Gabha | الدنيا واقفة عالجبهة lyrics

by

YouseF JoKer يوسف جوكر


[المقدمة]
الدنيا واقفه علي الجبهة ، متعمر السلاح في جنابها
بترازي في اللي مالوش مدير واللي ميعرفش يكسبها
سيبنالهم الفلوس والنفوذ ومشينا خطاوينا وعنينا عالأرض
ليه عايزنا نخاف من اللي عنده فلوس ، وكإن الفلوس بتعض

[المقطع الأول]
وكإنهم هياخدوا زمن غيرهم او جايلهم السنين العجاف
و احنا يا دار عشان ايجار مالناش اي حق حتي في الهتاف
يا ارض الدلتا ، هتيجي من العالم التالت امتي
استوردنا من الابره للصاروخ ، وادينا استوردنا الفكره
في بلاد المسلمين و الازهر الشريف ، بيصلوا عكس القبله
قناة جديده ، قناة قديمه ، الفواتير بتغلي ، وضغط وسكر يعلي
الغرب , يعملوا ابلكيشن ، يكسبوا اكتر ما بلدنا بتحرق
العمده بيسرق ، واللي يبحلقك يلبس ازرق عالملجأ
غفلونا ، في الجهل غرقونا ، يدونا مية وسخه ويحلبونا في الفاتوره
بالجهل بيحاوطونا ، والاسم بيعلمونا ، ما تشوفوا حال العيال انا مش واكل داتوره
في ايدينا مايك مش في ايدينا بندقيه ، احنا مش ناس ارهابيه ياحمد يا موسي
كل الحكايه ان كل الطرق جهنم ، وببان الجنه في وشنا قفلوها
ليه مقفلها علينا يا مغاوري ، ضرايبنا دافعينها فوري
بكره الاهلي والزمالك يضحوا للجيش بكاس و دوري
في حضن البحر الناس نايمين ، والانقاذ علي البسين
شبعانين بكا طفحانين تقسيم ، طلبنا العدل ، قالوا خاينين

[اللازمة]
فوق يا غدنفر ، احنا مش عايشين في الغابه
ابو بدله الموقر ، حياتنا بقت بحر و نقاله
الواقع ممر ، مفيهكمش عنتر
كلامكوا مسكر لكن عيشتكوا صومال وريحتها مجاري
فوق يا غدنفر ، احنا مش عايشين في الغابه
ابو بدله الموقر ، حياتنا بقت بحر و نقاله
الواقع ممر ، مفيهكمش عنتر
كلامكوا مسكر لكن عيشتكوا صومال وريحتها مجاري

[المقطع الثاني]
والاعلامي لابسلي البدله ، وفاكر كل الناس هنا هبله
يموت المنطق واللي بينطق لو كان ينطق عكس الطبله
بين الحداد والحداد حداد ، اتحدوا الاولتراس ومصر استاد
الزنجي حكم امريكا واحنا هنا الفلوس بتحدد مصير العباد
رجاله لقمتها طفحها الشر ، فا راحوا بلا راجعه في حضن البحر
عشان معناش ملايين داخلين الحسبه زي حروف الجر
اكتر عصر في مصر سياسة ، و السينما بلطجي ورقاصة
وفروا للشباب ، صافيناز ورحاب ، طالما صعبوله وغلوله الجوازه
اقفلوا الاناشيد الودن اكتفت ، كدب وتطبيل مش هنحن
الرجاله هنا بالملايين ، لكن المليون بشلن
يا وائل الجنيه غلي الجاموسه ، ورخص الانسان
لحم الحمير إتباع باختام ، والقمح رمله والمية صنان
الدنيا هنا متاهات متاهات ، الاشاعات في بلادنا بلاد
مصر بقت خلصانه بشياكه ، وقصر الباشا مليان خيرات
الدنيا واقفه بالناس ، عشان الناس دي مالهمش ناس
كساكيس للناس اللي في الاساس ، قايمين نايمين علي حق الناس

[المقطع الثالث]
مش متكلبش ومش حر
وصلنا لإن الكلمه بتضر
بلد العالم فيها بيسافر
واي لبوة فيها تؤمر
الشنبات هنا مبرومه يا خال
والشعب يا عيني ميال ميال
قرطاس الكورة بقي سياسي
ورجاله الكوره ورا الاقفال
يا شعب ليه عامل عبيط
زي طفل عايز حد يتولاه
ريهام سعيد جاتلك تاني
لا وفين ، علي نفس القناه
قولتلكوا الصفوة وسخه
تسعين في المية ناس نجسه
طول ما موسي و بكري في اعلامكم
كـ*م الشاشه مش عايزها

[اللازمة]
فوق يا غدنفر ، احنا مش عايشين في الغابه
ابو بدله الموقر ، حياتنا بقت بحر و نقاله
الواقع ممر ، مفيهكمش عنتر
كلامكوا مسكر لكن عيشتكوا صومال وريحتها مجاري
فوق يا غدنفر ، احنا مش عايشين في الغابه
ابو بدله الموقر ، حياتنا بقت بحر و نقاله
الواقع ممر ، مفيهكمش عنتر
كلامكوا مسكر لكن عيشتكوا صومال وريحتها مجاري
A B C D E F G H I J K L M N O P Q R S T U V W X Y Z #
Copyright © 2012 - 2021 BeeLyrics.Net