Shahr Etnen | شهر إتنين lyrics

by

Marwan Moussa


[اللازمة]
نفسي بس في حاجة جديدة
تصحّيني من النوم بضحكة
عقلي ضايع في غابة بعيدة
ما تطلعي معايا رحلة
كل الأفلام اللي في السينما
والمعاني اللي في المزيكا
بيقولوا لي فيه حاجة ناقصة
بيقولوا لي لاقي حبيبك
كان المفروض تكوني إنتي
والمفروض الصور دي إحنا
لما بتيجي قدامي سيرتك
من جوايا في حاجة بتحزن
تاني بافِرّ في سيناريوهات
وانا قاعد لوحدي في أوضة
عمري ما زعلت على اللي فات
عمر نيتي ما كانت سودة

[المقطع]
عيني مزغللة ومش شايف الساعه كام
خايف أطَلّع الشوكة من الجرح بتاع زمان
لاست أوردر، مخي هيقفلوه
صوتي رايح مني وهيمسكوه
تزعل وتخبّي في وشها في تعبيرات
رشق كان السهم بس معاده فات
بمشي في الضلمة ومش عايز اتوه
ذكرياتنا في شبكة عنكبوت
وسط الزحمة أشوف عينك وأعرف سرحانة فين
محدش كان فاهم دماغي قدِك
لو اللي بينا كان عادي، ما كان زماني نسيت
محدش إداني الإحساس دا قبلك
رسايل قديمة منورة ليلتي
أزود عليهم ولا بلاش
مفيش إجابة على أسئلتي
مستني بكره، لسه مجاش
نفسي بس في حاجة جديدة
يمكن الاقي في السوق الحرة
عادي اني لسه مش ناسيها
المشكلة اني فاكر الحلوة مش المرة
واضح إن أنا بس اللي مطبق
باين إرهاق وحزن في النبرة
صور قديمة عملالي صدمة
شيطان على كتفي الشمال مستغرب
عودوني، عودوني
آه لو الكلام يقضي
طالع سليم لحُسن حظي
بس في حاجة تشبه المغص في بطني
مسجلها على الموبايل نون
والصورة سرحت فيها وعملت زوم
معاها بغرق مش بعوم
شوية شهور حسيتهم قرون
نفسي بس في حاجة جديدة
باصص على السما من النجيلة
كانت في عمري ما هسيبك
بقت في ليه مش بتحب غير المزيكا؟
صور قديمة
زي لُوَح بيكاسو
فيه ناس جوايا بيعزوا
نفسية طالعة نازلة مع الأسهم
شهر إتنين اتقابلنا
حكاية إنتهت بكلمة
صورتها ورا جفني بتلزق
ما الأوضة الغامقة لسه صوت كلامها بينده
هناك في لوح مرمية
هزة الموبايل على الفجرية
رقم غريب، ما طلعتش هي
نفسي أسأل لو في حد جه بعديا
[اللازمة]
نفسي برضه في حاجة جديدة
تصحيني من النوم بضحكة
عقلي ضايع في غابة بعيدة
ما تطلعي معايا رحلة
كل الأفلام اللي في السينما
والمعاني اللي في المزيكا
بيقولوا لي فيه حاجة ناقصة
بيقولوا لي لاقي حبيبك
كان المفروض تكوني إنتي
والمفروض الصور دي إحنا
لما بتيجي قدامي سيرتك
من جوايا في حاجة بتحزن
تاني بافِرّ في سيناريوهات
وأنا قاعد لوحدي في أوضة
عمري ما زعلت على اللي فات
عمر نيتي ما كانت سودة
A B C D E F G H I J K L M N O P Q R S T U V W X Y Z #
Copyright © 2012 - 2021 BeeLyrics.Net