Mim Radl in die Berg nei lyrics

[Strophe 1]
Mei Freindin ruaft o und sogt he Michi
I glaub mia miassn redn
Sie hod mi zwor gern
Owa grod in Moment
Suacht sie wos Anderes im Lebm

A paar Dog späda merk I donn
Des Ondre is a ondra Mo
Ihr Neia jo der locht si oans
Und I steh sau bled do

I bin so sauer, jetz foah I do hi
Und hau erm oane nei
Doch hoit, moment
Wos bringt denn des
Do foit ma doch wos ei

[Refrain]
I foah mim Radl in die Berg nei
Und schau auf München zruck
Do herom is ois so leicht und so schee
Dass I nur locka mit de Schulter zuck

I foah mim Radl in de Berg nei
Und da Hümmi is weiß und blau
Und wos dahoam in München los is
Intressiert koa oide Sau
[Strophe 2]
Woast jetz do am Berg om drom
Na lerna sicha ned
Am nächsten Tog hob I a Prüfung ghobt
Des is jetz eher bled
I hob ma wirklich mühe gebn
Dass I improvisier
Owa I hoit von de Fragn nix
Und da Prüfer hoit nix von mir

So ein Pech mein Studium
Geht sowieso eher zach
Das Problem sucht eine Lösung
Woast wos I do mach

[Bridge]
I schau so übers Land
In meine Wadln tobt ein Brand
Da Orsch duad narrisch weh
Und trotzdem is einfoch schee