Elbes Ya Naker Kheiry - إلبس يا ناكر خيري lyrics

[المقدمة]
ما بدل ما بتبصولي
ع اللي أنا فيه، إدعولي
قرّبت أقع من طولي
من عينكم إتدمرت
أبطال ولينا هيبتنا
بالحب واخدين صيتنا
حاسدينا على عزوتنا
علشان تقال ع الأرض
عازف أورج يوسف أوشا

[اللازمة]
المصلحة اللي تلم
ناقصين؟ بلاها يا عم
الناس دي كانت بتنم
على بعض ليل ونهار
دلوقتي بقوا حلوين
وإحنا اللي يابا وحشين
يا إخوانا مين مع مين؟
ده المخ بقى محتار

[المقطع الأول]
زمن المحبة إنقرض
اللمة دي عشان غرض
والله ده في حاجة غلط
من الصدمة جالنا ذهول
القعدة دي فيها إنا
الناس دي هتجننا
بس إحنا ولا يشغلنا
ما في داهية دول على دول
[اللازمة]
بالعِشرة مين كان عمل؟
مين بص للي إتعمل؟
الباب يفوت جمل
على حد مش واقفين
على مين هتتنمرضوا؟
والله تتعوضوا
حوشوا اللي بيقبضوا
هيمنعوا الملايين

[المقطع الثاني]
الحويطات بتجيب
قدام ولا بتهيب
أصغر ما فيهم ديب
يصرف مع العنتيل
حسن العمدة محدد
للكل بالمتعدد
من إمتى بس إتهدد؟
ده حسين العمدة تقيل

[اللازمة]
ما نخافش غير ربنا
ولا حد بيهمنا
راجل واحد كلنا
مع بعض، مش على بعض
أبطال ولينا هيبتنا
بالحب واخدين صيتنا
حاسدينا على عزوتنا
علشان تقال ع الأرض
[المقطع الثالث]
يا صاحبي ليه قفلتني
منك وزعلتني
بعد أما شيلتني
راجع تقولي إخوات
ما بقتش طايق أعاملك
ولا حتى عارف أجاملك
شوف حد غيري يزاملك
خلصت وعدّى وفات

[اللازمة]
إلبس يا ناكر خيري
جرّب معاملة غيري
وبحق لو تقديري
شفته في واحد في الكون
صدقني مش هتلاقي
في رجولتي وفي أخلاقي
أنا برضه غير الباقي
تستاهل اللي يخون

[المقطع الرابع]
ما بقتش أنزل حالة
لا نتحسد يا غزالة
كل العيون شغالة
علينا، ما شاء الله
صورتك في قلبي كفاية
مش فارقة عندي دعاية
هحتاج إيه وإنتي معايا؟
ده إنتي القمر في السما
[اللازمة]
أخوك حامد ربنا
ع الفقر والجدعنة
مش أي حد إغتنى
دايمًا عايش مرتاح
ياما ناس معاها المال
ولا لاقية راحة البال
الحال دوامه محال
حتى المجمد ساح

[المقطع الخامس]
إجمد يا حلو إتشد
وبلاش تشمت حد
عُمر الجبل ما إتهد
ولا هزه يوم الريح
لو حتى شطب بصبرك
ما تقعش غير على قبرك
دول في إنتظار يوم خبرك
بالدفنة والتصريح

[اللازمة]
نفسيتي زي الزفت
ما أنا من حياتي قرفت
ده أنا من زمان ياما شفت
غدر وقسية وويل
مش عارف أفرح ساعة
جضيت خلاص يا جماعة
يا دنيتي يا بياعة
ما كفاية هدِّت حيل

[المقطع السادس]
من كتر الإكتئاب
واشم في إيدي عذاب
قافل عليا الباب
ما بشوفش وما بسمعش
صعبانة عليا يا نفسي
ما أنا ياما جيت على نفسي
أنا نفسي أموت نفسي
ليه روحي ما بتطلعش؟

[اللازمة]
ما بدل ما بتبصولي
ع اللي أنا فيه، إدعولي
قرّبت أقع من طولي
من عينكم إتدمرت
على إيه يا ناس حاسديني؟
ده أنا كل شيء راح مني
ماليش غير اللي يعيني
رب السما والأرض

[الخاتمة]
حسن العمدة أساس
دايمًا بحب الناس
ده بيتاقل بالماس
ورجولة وإبن أصول
حسين العمدة يقدر
الراجل اللي يقدر
الحويطات بتسيطر
واللي يعاديها مقتول
مين يتقارن يا مجال
فيك أصلاً بالغزال
ده كريستيانو يا خال
في مجاله نمبر وان
جن البلد كلماته
بصمتله في ترنداته
مين إنتو يا إبن قصاده
ده البابا مصطفى الجن
ياض جيتوا أو ما جيتوش
الأوش ما يشغلهوش
رقم واحد ده الأوش
مين قد يوسف أوشا؟
برضه الإدارة ليها ناسها
ومحمود يحيى أساسها
مهنته بقى وتارسها
ناس منه ياما مروشة
حسن الديزل فوق
بالعافية أو بالذوق
إسلام السني يسوق
قدامه برضه جيوش
عماد الغزال بإسمه
دايمًا بيرعب خصمه
إصحوا لمحمد رضا
ممنوع قصاده تترسموا
رائج موسيقى تلاقيهم
في المحتوى أساميهم
الماڤيا ما فيش زيهم
عزالة والمصري وحوش