Schtürchle & Schtogle lyrics

D Nadle schpringt vom Ändi zum Aafang vom Song
Dr Tanz geit vo vore los
Gsicht a Gsicht, Buuch a Buuch
& was es süsch aus no git
& mir schtürchle & schtogle zwar, aber gheie nid
Mir schtürchle & schtogle zwar, aber gheie nid

Mir schütte üsi zwöi Gleser zäme i eis
& schläcke die Täller uus
Die chaute Fakte i Schüttschtei
Dr Räscht näh mir mit
& mir schtürchle & schtogle zwar, aber gheie nid
Mir schtürchle & schtogle zwar, aber gheie nid

Es isch nid ging ganz eifach
& unkompliziert
Mir hei nid ging Konfetti im Haar
Göh säute graduus, we's irgendwo en Umwäg git
& mir schtürchle & schtogle zwar, aber gheie nid
Nei, mir schtürchle & schtogle zwar, aber gheie nid
Mir schtürchle & schtogle zwar, aber gheie nid
Ä-ä