Swebend lyrics
by Qntal
In sô hôher swebender wunne
Sô gestuont mîn herze ane vröiden nie
Ich var, als ich vliegen kunne
Mit gedanken iemer umbe sie
Sît daz mich ir trôst enpfie
Der mir durch die sêle mîn
Mitten in daz herze gie
Mitten in daz herze gie
Saelic sî diu süeze stunde
Saelic sî diu zît, der werde tac
Dô daz wort gie von ir mundе
Daz dem herzen mîn sô nâhеn lac
Daz mîn lîp von vröide erschrac
Und enweiz von liebe joch
Waz ich von ir sprechen mac
Waz ich von ir sprechen mac