As ik ben waor ik wul weden lyrics

As de onust mar blef stoken
In 'n toch al niet klein vuur
Dan wordt 't ongedurigheid
En liefzeer op den duur
Der is ien ding waor ik achter kwam
Nog nie zo lange leden
Dat ik ziender ogen opknap
As ik ben waor ik wul weden

Da's niet 't aller ienigste
Wat daor veur neudig is
Ok gien schuld en lösse eindties
Gien gelul en gien gemis
Almaol dingen die 't maken
Da'j joe fijn vuuln met reden
Mar 't bugunt wel degelijk met
Da'k ben waor ik wul weden

Daorum lek 't mij zo slim
In 'n streng land of in 'n cel
Of allebeiden, nee reken
Da'k mien zegeningen tel
En dan toch die vraog wanneer
Is iene warkelijk tevreden
De veurwaarde is sowieso
Dat 'e is waor 'e wul weden
En daor wul 't ok wel hageln
Daor is ok wel gezeik
Daor gebeurt ok wel genog
Zoas dat giet in de praktijk
Mar dan wee'j tenminste, ja
Ik ben de goeie weg in reden
Die mij brengt naor waor ik hen wul
Zo da'k ben waor ik wul weden

Gebeurd me niet direkt elke dag
Da'k ben waor ik wul weden
Heb altied weer wat anders
As ik ben waor ik wul weden
Wacht, ik stuur wel 'n kaortie
As ik ben waor ik wul weden