Vals fyrir Brynju lyrics

Hálfnakin trén tapað hafa áttum
Trúlega eiga þau bágt
Í vindinum skilja að skjólið verði lítið
Þegar skellur á norðanátt

Þegar Tjörnin frýs og frost bítur kinnar
Og fjöllin klæðast hvítum feld
Þá fá skautar sem héngu í kolsvartri kompu
Að kyssa ísinn í kveld

Ég bíð við Iðnó undir ljósunum gulu
Úti á svellinu fólkið sé
Í kvöld við skulum skauta út á ísinn
Og skera í hann B + B

Láttu vindinn blítt um vangana strjúka
En varlega skaltu renna þér
Það er vök við brúna, blásvört að líta
Það brosir enginn sem oní fer

Og endurnar horfa á heiminn kímnar
Hlæja dátt og vagga sér
Þeim er sama um ráðhús og rennandi búka
Þær rýna eftir brauðinu hér

Ég bíð við Iðnó undir ljósunum gulu
Úti á svellinu fólkið sé
Í kvöld við skulum skauta út á ísinn
Og skera í hann B + B