Si est custu no est cuddu, si est cuddu no est custu lyrics

Lyrica de "Si est custu no est cuddu, si est cuddu no est custu"

[Pesada 1:]
Si est custu non est cudhu
Si est cudhu non est custu
Iannariu non est austu
Si est ossu no est miudhu

[Pesada 2:]
Si est hoe non est cras
Si est totu non est noe
Non est rana su boe
Ne amara sa cariasa

[Pesada 3:]
Sa terra non est sa aera
Su lupu non est anzone
Et non est mancu persone
Si hat solu una cambera

[Pesada 4:]
Si est pasa non est ranu
Si est landa non est fae
Si est truncu non est nae
Si est sero no est manzanu
[Pesada 5:]
Si est lana non еst linu
Si est rospo non est rana
Si est fеa non est galana
Si est mustu non est vinu

[Pesada 6:]
Et sola non hat c*mpanzu
Sa note non est sa die
Si est fogu non est nie
Si est grassu non est langiu

[Pesada 7:]
Si est artu non est basciu
A cadhu non est a pe
Su sordadu non est re
Sa femina non est masciu

[Pesada 8:]
Si est caldu non est frîtu
Si faedhat non est mudu
Si est cotu non est crudu
Et si est tortu non est dritu

[Pesada 9:]
Si est dritu non est tortu
Si est in hoghe non est in cue
Si so eo non ses tue
Si has reione non has tortu
[Pesada 10:]
A mesu non est rasu
Boidu non est pienu
Su meu non est anzenu
Si est pane non est casu

[Pesada 11:]
Sa lughe non est iscuru
Su sole non est sa luna
Si est figu non est pruna
Si est modhe non est duru

[Pesada 12:]
Si est viu non est mortu
Si est intro non est foras
Unu annu non est una hora
Si est presu non est isortu

[Pesada 13:]
Si est vetzu non est pisedhu
Si est azu non est chipudha
Si est meda non est nudha
Ma si est ainu non est poledhu

[Pesada 14:]
Si est trainu non est riu
Si est tucaru non est sale
Si est bene non est male
Si est corzu non est chiu
[Pesada 15:]
Si est corvu non est dotore
Si est matzone non est lupu
E su caule cupu
Non est caule fiore

[Pesada 16:]
Si est gai non est goi
Si est tardu non est mai
Si est goi non est gai
Si est comô non est poi

[Pesada 17:]
Iannariu non est austu
Si est ossu non est miudhu
Si est custu non est cudhu
Si est cudhu non est custu